Gecə saatlarında Şəkinin Baş Göynük kəndində yaşayış evi yanıb.
“Sheki.Media” xəbər verir ki, hadisə 1965-ci il təvəllüdlü Məmmədova Kamilə Muxtar qızına məxsus fərdi yaşayış evində baş verib.
Hadisə yerinə FHN-in Şəki rayon Dövlət Yanğından Mühafizə Hissəinin qüvvələri cəlb edilib.
Yanğın nəticəsində ümumi sahəsi 360 kvadratmetr olan iki mərtəbəli, 4 otaqdan ibarət evin yanar konstruksiyaları yanıb.
Yanğından yaxınlıqdakı tikililər mühafizə olunub.
Yanğın söndürülüb.
Faktla bağlı araşdırma aparılır.
