Qaxda canavarlar qoyun sürüsünə hücum edərək 5 baş qoyunu parçalayıb.
“SHEKİ.MEDİA”nın məlumatına görə, hadisə rayonun Meşəbaş kəndi ərazisində qeydə alınıb.
Qax şəhər sakini Elşən Omarov otlaq ərazisində qardaşına məxsus qoyunları otararkən 3 baş canavar sürüyə hücum edib. Canavarlar 3 baş qoyunu aparıb, 2 qoyunu isə parçalayaraq tələf ediblər.
Zərərçəkmişlərin sözlərinə görə, bu hal birinci dəfə baş vermir. Əvvəlki illərdə də canavarlar onlara ziyan vurub.
