Qaxda ağır yol-nəqliyyat hadisəsi baş verib.
“SHEKİ.MEDİA” xəbər verir ki, hadisə bu gün saat 16 radələrində Qax-Şəki avtomobil yolunun Qaxın Əmbərçay kəndi ərazisindən keçən hissəsində qeydə alınıb.
Belə ki, “Mercedes” və “Niva” markalı avtomobillər toqquşub, nəticədə bir nəfər – “Mercedes”in sərnişini 60 yaşlı Tacəddin Əhmədov həyatını itirib.
Daha 3 nəfər – 44 yaşlı Xəyal Həşimov, 52 yaşlı Zaur Abdullayev və 66 yaşlı Novruz Manafov isə ağır xəsarətlərlə Qax Rayon Mərkəzi Xəstəxanasına çatdırılıblar.
Faktla bağlı cinayət işi başlanılıb, araşdırma aparılır.
